2ºESO escribe sobre a PAZ

2ºESO escribe sobre a PAZ

ESTÁ NAS NOSAS MANS

30 XANEIRO
Só unha parte da poboación loita porque este camiño cheo de violencia chegue ao seu fin, todos os que non loitan por ese fin saben o que teñen que facer pero ninguén ten o valor de ser realmente unha persoa, respectar a todos e valorar a quen che dá un motivo día a día para que mellores a túa persoa, é querer non só poder.

Este día estará marcado por todas aquelas persoas que viron máis aló dun simple mundo con seres nunha loita constante entre si, este día é para lembrar a todas esas persoas que viron un mundo cheo de desigualdades.
Creo que aínda que non teñamos a mesma sangue todos somos unha familia, todos temos eses valores e eses dereitos polos que queremos loitar, conseguilos e seguir cara a adiante, porque non hai nada máis bonito que axudar e deixar que che axuden.
Este día foi elixido pola morte do activista e avogado Mahatma Gandhi; este líder loitou polos dereitos da poboación india con métodos de resistencia pacífica e promovendo a non violencia.

Día internacional da paz.


Elena Leyenda 2ºESO


 
 

Sabes por que se celebra o 30 de xaneiro o día da Paz?

Celébrase o día 30 de xaneiro para conmemorar a morte de Mahatma Gandhi, que foi un activista, avogado indio e líder pacifista, que promoveu a non violencia e a resistencia pacifista á inxustiza.

Esta xornada educativa non gubernamental foi fundada en 1964 polo poeta e pacifista mallorquino Llorenç Vidal, para apoiar a educación non-violenta e pacificadora.


Sabes por que o símbolo da paz é unha pomba branca?
Na historia do Diluvio universal, cando xa se acabou, Noé, para asegurarse de que xa se podía desembarcar, soltou unha pomba branca. Intres despois, a pomba volveu cunha rama de oliveira, o que significaba que a auga xa baixara o suficiente, e así, empezar unha nova era de paz con Deus tras o diluvio. Por iso, a pomba é o símbolo da paz.


Historia para o día da paz
Hai moitos anos, un día moi nubrado e con fortes ventos, desatouse unha guerra entre dous países para ver quen era o máis forte dos dous. Despois de moitos meses de enfrontamento un xastre ao que non lle gustaba que o seu país estivese en guerra foi a falar co rei da súa rexión.
Na conversa o xastre pediulle ao rei que acabaran coa guerra, pero este contestoulle que el non a empezara e que só se acabaría cando o monarca do outro país admitise que el era o soberano do territorio máis forte. O xastre confuso, foi falar co rei do país contrario e este díxolle o mesmo.
Como o xastre quería acabar coa guerra, mandou unha mensaxe aos dous facéndose pasar por eles dicindo que quedarían para falar nunha montaña entre os dous países. Ao día seguinte, os dous monarcas foron á montaña e alí atopáronse co xastre que lles explicou todo. A verdade é que ningún dos dous reis lembraba de como xurdira a conversa de cal era o país máis forte, que provocara a guerra e os dous acabaron con ese enfrontamento.
Desde entón eses dous países uníronse, xa que os dous reis eran grandes amigos, a pesar desa guerra. Ese territorio tamén se converteu no país máis pacífico, xa que se deron conta de que aquela guerra non tiña ningún sentido.


Sara Casal 2º ESO


Por que se celebra o día da paz? E por que o 30 de xaneiro?



O 30 de xaneiro celébrase o Día Escolar da Paz e a Non violencia. Pero, por que o 30 de xaneiro? O 30 de xaneiro celébrase o día da paz en memoria da morte de Mahatma Ghandi (India, 1869-1948), un un líder pacifista que defendeu a non violencia e a resistencia pacífica ante a inxustiza. Foi asasinado por defender estas ideas. India independizouse en 1947 e separouse en dous países, India e Paquistán. O que fixo que hindús e musulmáns comezasen unha loita, polo que Mahatma empezou un xaxún como mostra dunha manifestación pacífica. Despois de cinco días, os líderes de ambas as faccións comprometéronse a deter a loita e Gandhi abandonou o xaxún. Con todo, doce días máis tarde foi asasinado por un fanático hindú, que se opoñía á unión e a paz cara a todos os credos e relixións.

Por que o símbolo hippie representa a paz?



O símbolo hippie é o signo da paz e do amor. O símbolo da paz está formado por combinación de símbolos de semáforos militares (bandeiras) que representan a « N» e a «D» de «Desarmamento Nuclear».

a v?



O signo cos dedos en forma de V é o signo da paz ou da vitoria. Aínda que en países como Australia ou Nova Zelandia, facer este xesto coa man é considerado un insulto.

Lía Nogueira Simón 2º ESO