O VOLCÁN DE A PALMA; UNHA OPORTUNIDADE PARA A APRENDIZAXE

O VOLCÁN DE A PALMA; UNHA OPORTUNIDADE PARA A APRENDIZAXE

Non están sendo fáciles este días para os habitantes da Palma. Dende que comezou a brotar a lava do interior do volcán de “Cumbre Vieja” o pasado 19 de setembro, unha carreira a contra reloxo guiou a vida da illa canaria.

Tratar de dar resposta a crise humanitaria a través da ciencia converteuse nos últimos días no principal obxectivo de vulcanólogos, sismólogos, xeólogos e un largo etcétera de profesionais que vixían día e noite o minuto a minuto do volcán.

A nivel científico, a erupción representa unha oportunidade única para estudar estes procesos e prevelos mellor de cara ao futuro. Se trata dun laboratorio vivo onde comprobar liñas teóricas de investigación e descubrir novas liñas de análise quizais nunca plantexadas ata agora.

Os rapaces e rapazas de 5º de Educación Primaria traballaron no tema 1 da materia de ciencias sociais: O Universo e a Terra.

Neste tema estudiaron, entre outras, a temperatura da Terra e as características de cada unha das diferentes capas que a forman. Aproveitamos este apartado para facer un traballo de investigación sobre o volcán que facía pouco tempo entrara en erupción e que espertaba neles tanto interese e preocupación. Para elaborar o traballo centráronse nos seguintes aspectos:

● Causas que orixinaron a explosión
● Gases emitidos a atmosfera
● Zonas afectadas e primeiros impactos medioambientais

De xeito voluntario, un dos alumnos decidiu facer un experimento e compartilo con todos os seus compañeiros. Unha reconstrución do momento no que un volcán entra en erupción Para isto mesturou vinagre e bicarbonato de sodio, desta maneira prodúcese dióxido de carbono, o gas que provoca as burbullas que saen polo cráter do volcán.

Queremos tamén compartilo con todos vós e por iso os deixamos o seguinte vídeo:


Ana Maceira


BRAIS PAMPILLÓN



A continuación algunhas das impresións escritas en primeira persoa polos/as alumnos/as de 5º de Primaria ante a magnitude do fenómeno natural:

“ Cando o vín por televisión parecíame raro que non cambiasen de tema, así que me asustei e comecei a investigar pola miña conta en Internet, preguntando, vendo noticias, (...) Comecei a pensar que faría eu se me pasara a min, que pensaría, que farían os meus pais, os meus amigos, os mestres, as miñas mascotas….Poñeríame triste, me enfadaría, me estresaría, choraría,...A día de hoxe o volcán segue forte, derribando todo por onde pasa, con máis casas derruídas, e eu sigo preocupándome, porque penso que non me gustaría nada que me pasase a min.”

Uxía Merola 5º EP.


“ (...) cando tiven que facer o traballo do volcán lei que os habitantes da Palma estaban avisados dende o 2019 que isto podía suceder e non sei que pensaban: a caso pensaban que a lava facía o mesmo ca auga ou que os científicos estaban de broma, eu que sei (...)”

Alejandra Nantes 5º EP


“ Eu ao principio pensei na miña cabeza: que chulo é o volcán! vai ser alucinante velo pola televisión pero os habitantes da Palma o van a ver mellor ca nós, en directo!. Despois...cando vin que era tan grave o do volcán dixen: meu deus! non sabía do que sería capaz…(...)”

Claudia Costas 5º EP